အတိတ်မှာထားခဲ့တာ ကြာပါပြီ
ဘာလို့များ ငါ့ရဲ့ အနာဂတ်မှာ
ခြယ်လှယ်ခွင့် လိုချင်တာလဲ။
အေးဆေးနေတဲ့ ငါ့ဘ၀လေးကို ဘာကြောင့်
လှိုင်းထအောင် လုပ်ရက်တာလဲ
မင်းနဲ့ထပ်မဆုံချင်တော့လို့
မင်းရှိတဲ့အရပ်ကို ရှောင်တိမ်းခဲ့တာပါ။
ဒါပေမယ့်
ကံကြမ္မာ မျက်နှာသာမပေးလေတော့
ထပ်တစ်ကြိမ်ပြန်ဆုံခဲ့ရတယ်။
အဟောင်းတွေကို အသစ်မဖြစ်ချင်တော့လို့
မေ့ထားခဲ့ပေမယ့်
မင်းနဲ့ပတ်သက်လာရင် ခုချိန်ထိ
ငါ့ရင်ခုန်သံတွေက မြန်နေဆဲပါပဲ ။
ပိုင်ဆိုင်သူ ရှိပြီးသား လူတစ်ယောက်ကို
ဘယ်တော့မှ ပြန်မရနိုင်တာသိပေမယ့်
လူဆိုတာကလဲ မရတာကိုမှ လိုချင်နေတော့
မဖြစ်သင့်မှန်းသိသိကြီးနဲ့ ငါ ဆက်မှားနေမိတာပါ ......
လွမ်းဆုလေး (ခ) ဆုလေးနွယ်
No comments:
Post a Comment